Ghlac pobal Gaelscoil Choráin páirt i ‘nGaeilge 24’ inniu
agus rinne gach éinne sár iarracht go deo chun labhairt ‘as gaeilge’. Bhí
díospóireacht ar siúl ag Rang 6 i halla na scoile agus an rún a bhí á phlé acu
ná ‘Ba Cheart ár dTeanga a Choimeád Beo’. Chanadar ‘Tóg Amach Mé’ agus ‘Lig Mé
Saor ón Suan atá Orm’ agus bhain gach éinne sult as a gcuid amhránaíochta!
Bronnadh cáca álainn ar an bhfoireann teagaisc agus tacaíochta, as ucht a
bheith de shíor ag spreagadh agus ag gríosadh na daltaí chun a dteanga
náisiúnta a úsáid. Molaimíd sibh! Léigh Rang 6 scéalta dos na bunranganna agus
thugadar ticéidí crannchur d’éinne a bhí ag déanamh sár iarracht chun labhairt
‘as gaeilge’. Bhí crannchur agus cóisir ag deireadh an lae. Lá álainn gaelach a
bhí ag gach éinne. ‘Mol an Óige agus Tiocfaidh sí’.
